مفاهيم اساسية


مامعنى كلمة Programming ؟

هى بتعنى القدرة على التخاطب مع الكمبيوتر وتنفيذ الهدف (حل المشكلة) على ارض الواقع .. الكمبيوتر لايفهم اى شئ سوا 0 و 1  وصعب على البشر تعلمها إن لم يكن مستحيلا فنلجأ لخيارات بديلة وهى إستخدام لغات البرمجة

مامعنى Programming Language ؟

بكل بساطة هى وسيلة للتخاطب مع الكمبيوتر .. ولكننا قلنا إن الكمبيوتر لايفهم اى شئ سوا ال0 وال 1 ومستحيل على الإنسان تعلمها! .. إذا الحل هو إستخدام لغات وسيطة .. على سبيل المثال واحد عربى وواحد فرنسى والعربى مش بيفهم فرنسى ولا الفرنسى بيفهم عربى .. فالحل هو إنهم يتكلمو إنجليزى مثلا... او يجيبو مترجم بين الإتنين مش كدا ؟
فهنا الحل إننا هنجيب مترجم يترجم افكارنا للغة الكمبيوتر 0 و 1 ويقوم المترجم بنفس الدور بتحويل رد فعل الكمبيوتر الى لغتنا المفهومة
وهنا دور ال Programming Language انت هتتعلم اللغة وكيفية التعامل معاها عشان تقدر تفهم المترجم "المقدم من اللغة" اللى إنت عايزه وهو يفهمه للكمبيوتر بدوره


ماهو ال Source Code ؟
         
بكل اختصار هو حلك لمسألة رياضيات وتفكيرك وإستنتاجاتك لما تكتبها فى ورقة ولكن هنا هو حلك لبرنامج مطلوب منك على ملف Text

مامعنى ال Debugging ؟

على فرض إنك بتحل مسألة رياضيات و إكتشفت خطأ فى طريقة حلك .. فإنت بتتبع المشكلة اللى حصلت وتشوف إزاى تصححها وهو دا معنى ال Debugging اى تصحيح الأخطاء

Compiled vs Interpreted
كتير منا إشتغلو على نظم Windows وكان ديما بيشوف ملفات إمتدادها .exe فإيه معنى ال exe ؟ معناها Executable او قابل للتنفيذ ..
فى لغات برمجة مثل ال C و Pascal بيتوافر الناتج النهائى بتاع برنامجك على صورة ملف exe وهو عبارة عن تعليماتك اللى إديتها للمترجم عشان يفهمها للكمبيوتر ولكن فى صورتها النهائية (الكلام اللى قاله المترجم لل كمبيوتر) فمستحيل على الإنسان إنه يقرا الملف دا  وهنا معنى الcompiled فهى ملف ال exe يشمل التعليمات اللتى كتبتها ولكن بلغة الكمبيوتر وهو وحده القادر على فهمها

وإذا نظرنا من جانب آخر إلى لغات مثل Python, Perl هنجد إن الملف بيكون إمتداده .py او .pl ولكنك تقدر تفتحه فى اى Text Editor  وتقراه -لفهمه لازم تكون عارف اللغة- والملف دا هو الSource Code بتاعك نفسه بدون اى تحويلات ولا شئ ولكن لتنفيذه بنستدعى ال Interpreter فى كل مرة بحيث إنه يقرا الSource Code ويبلغه للكمبيوتر ويتم التنفيذ

من مميزات ال Compiled Languages مثل ال C هى السرعة
 ومن القصور هو إنك لازم تعمل Compile لل Source Code بتاعك على النظام اللى عايز تنفذ البرنامج عليه فبرنامج مكتوب على Windows محتاج يتعمله recompile على ال Linux وهكذا ..

من مميزات ال Interpreted Languages هى انك ال Source Code بتاعك القياسى لايحتاج لعمل Recompile على مختلف النظم وال archS
ومن القصور البطء

ملحوظة:
   لما بنتكلم على كلمة البطء فى الInterpreted Languages بيكون المقصود البطء بالنسبة لل Compiled Language وليس البطء للمستخدم لأنك مش هتلاحظ الفرق لأن البطء فى شئ لايكاد يذكر



مقدمة فى بايثون

Python هى لغة برمجة عامة لمعظم المجالات ان لم تكن جميعها، وهى High Level Programming Language اى انها قريبة جدا من لغة الإنسان "الإنجليزية" بدأت فى عام 1989 على يد Guido Van Rossum وهو عالم هولندى 
Python تتميز ب
   1- سهولة التعلم
   2- وضوح الكود وسهولة صيانته
   3- ال Portability -لأنها بتعمل على اكتر من Platform-
   4- Python تعطيك قوة ال Scripting Languages وبكل تأكيد اخفاء مشاكل ادارة الذاكرة وتوابعها عنك
   5- Open Source: فيقوم على تطويرها الألاف من المطورين
   6- Python تقدم تكامل مع ال .NET وال Java من خلال IronPython, Jython
   7- بتدعم اكثر من paradigm ك Functional Programming, OOP
جدير بالذكر ان Python حاليا هى de facto فى عالم الأوبن سورس حيث تفوقت على Perl من حيث الشعبيةوهى لغة العام حسب تقرير Tiobe

ملفات Python بيكون امتداها .py او .pyc او .pyo   

.py   => python file
.pyc  => python compiled file
.pyo  => python object

Downloading/Installing Python

ادخل على http://python.org/download/

لمستخدمى UNIX/UNIX-Like: ف Python غالبا مرفقة مع توزيعتك.. فى حال لأ قم بتحميل ال Source واعمل Build
./configure
make
make install
اى خطأ قم بمراجعة ملف ال README او INSTALL

لمستخدمى Windows: قم بتحميل ال .msi



Running Python
تقدر تشغل ال Interpreter ك Interactive Session بمعنى انك تباصى ليه statement معينه وهو ينفذها
لمستخدمى Linux: افتح ال Terminal او ال Console واكتب Python
لمستخدمى Windows :
~Start -> Run -> Cmd
~cd /Python_PATH/
python.exe
او قم بدعم ال PYTHON_PATH فى ال Environment Variables فى ويندوز كالتالى

set path=%path%;C:\Python25
 على جهازك

 
1)Right Click on My Computer -> Properties
2)Advanced Tab
3)Environment Variables
4)in Variables for (UserName): Click on PATH - > Edit
5)Add C:\Python25 ;
don't forget the semi colon (


اكتب اى statement مثلا 1+2 او "Hello, World” واضغط Enter